Ատենախոսության հրապարակային պաշտպանությունը կազմակերպելու համար հայցորդը դիմում է իր մասնագիտությանը համապատասխանող գիտական քարտուղարին: Դիմելիս հայցորդը պարտավոր է ունենալ ատենախոսության թեման հաստատած գիտական կազմակերպության եզրակացությունը:
1. Գրանցվել www.bok.am կայքում, գրանցման համար կարող եք հետևել հետևյալ հրահանգներին 
2. Պաշտպանությունը կազմակերպելու համար հայցորդը մասնագիտական խորհրդի գիտական քարտուղարին է ներկայացնում`
-
ատենախոսությունը պաշտպանության ընդունելու մասին դիմումը,
-
ատենախոսության տպագիր (3 օրինակ) և էլեկտրոնային տարբերակները,
-
ատենախոսության նախնական քննարկման համար պահանջվող փաստաթղթերը (հավելված 2):
Դիմումի լրացված ֆայլն ու ատենախոսության էլեկտրոնային տարբերակը (Word 2003-2007) ուղարկել գիտական քարտուղարի աշխատանքային էլեկտրոնային փոստին (տես մասնագիտական խորհուրդներ):
3. Գիտական քարտուղարը` ստուգելով փաստաթղթերի ամբողջականությունը, 3 աշխատանքային օրվա ընթացքում ատենախոսության ֆայլն ու դիմումը ուղարկում է ԲՈԿ defense@bok.am էլեկտրոնային հասցեին:
4. Ստանալով ԲՈԿ-ի հաստատումը` գիտական քարտուղարը ատենախոսության մեկական օրինակ տալիս է մասնագետներին, ովքեր 15 օրվա ընթացքում ատենախոսության վերաբերյալ ներկայացնում են եզրակացություններ:
5. Մասնագետների տրամադրած եզրակացությունների հիման վրա կայացվում է ատենախոսությունը պաշտպանության ընդունելու վերաբերյալ որոշում:
6. Դրական եզրակացություն ստանալու դեպքում հայցորդի ատենախոսության պաշտպանությունը կազմակերպվում է գործող խորհրդում , կամ հայցորդի դիմումի հիման վրա ձևավորվում է խորհրդի նոր կազմ :
7. Մասնագիտական խորհուրդը նշանակում է պաշտոնական ընդդիմախոսներ, առաջատար կազմակերպություն, պաշտպանության օր, թույլատրում սեղմագրի տպագրությունը:
8. Հայցորդը պաշտպանության օրվանից առնվազն 40 օր առաջ առաքում է սեղմագրերը , ատենախոսության 1 և սեղմագրերի 2 օրինակ հանձնում այն կազմակերպության գրադարանին, որտեղ գործում է խորհուրդը:
Այն հացորդները, ովքեր ցանկանում են իրենց ատենախոսությունն ընդգրկվի www.bok.am պաշտոնական կայք էջում, հանրային օգտագործման նպատակով` պետք է ԲՈԿ ներկայացնեն սույն համաձայնագիրը: