Նկարագրություն: Հոդվածի նպատակն է Ե.Չարենցի անվան գրականության և արվեստի թանգարանում գտնվող՝ հայ երգիչ (բարիտոն) Բեգլար Ամիրջանյանի (Ամիրջան, 1868-1935) արխիվում պահվող վավերագրերի և, մասնավորապես, «Իմ ինքնակենսագրությունս»-ի հիման վրա ներկայացնել նրա ուսումնառության տարիները Պետերբուրգի կոնսերվատորիայում (1886-1888), ապա՝ Միլանի կոնսերվատորիայում (1891-1894):
Առաջին անգամ հատուկ անդրադարձ է արվել Միլանում ռուսական առաջին գրադարան-ընթերցարանի ստեղծման գործում Բ.Ամիրջանյանի կարևոր դերին:

Նկարագրություն: Սույն հոդվածում ներկայացված է հայ մշակութային գործիչ, Ամենայն հայոց բանաստեղծ Հովհաննես Թումանյանի մեկենաս, Թիֆլիսում 1902 թ-ին Գ․ Սունդուկյանի հետ Հայոց դրամատիկական ընկերության հիմնադիր, հայ գրողներին մշտապես նյութական օժանդակություն ցուցաբերած Մարիամ Թումանյանի (ծնյալ՝ Դոլուխանյան, 1870-1945) հուշերը 19-րդ դարի վերջի և 20-րդ դարի սկզբի հայ կատարողական արվեստի փայլուն ներկայացուցիչ, երգիչ (բարիտոն), Պետերբուրգի և Միլանի կոնսերվատորիաների շրջանավարտ, Մոսկվայի մեծ (1895-1903), Թիֆլիսի արքունական թատրոնների (1903-1904), Պետերբուրգի ժողովրդական տան օպերայի (1904-1916) մենակատար Բեգլար Ամիրջանի (Ամիրջանյան, 1868-1935) մասին։
Հուշագրում Մ․ Թումանյանը մեջբերում է ինչպես տեղի, այնպես էլ արտասահմանյան լրագրերից և ամսագրերից հոդվածներ և ռեցենզիաներ Բ․ Ամիրջանի ելույթների մասին, ինչպես նաև իր սեփական հիշողությունները։

Նկարագրություն: Սույն հոդվածը իտալական կատարողական արվեստում առկա «Bell canto» ոճի և հայազգի օպերային առաջին երգիչներից մեկի՝ Բեգլար Ամիրջանի( 1868-1937) մասին է։ Բեգլար Ամիրջանը եղել է 19-րդ դարի վերջի և 20-րդ դարի սկզբի հայ կատարողական արվեստի փայլուն ներկայացուցիչ, երգիչ (բարիտոն), Պետերբուրգի և Միլանի կոնսերվատորիաների շրջանավարտ, Մոսկվայի մեծ (1895-1903), Թիֆլիսի արքունական թատրոնների (1903-1904), Պետերբուրգի ժողովրդական տան օպերայի (1904-1916) մենակատար